Pêgîriya rêberê înqilabê li ser alîkariya bo sekinîna li hember zorbêjiyê

  • Kodê Nûçe : 868677
  • Çavkanî : Sahar TV
Brief

Hezretê ayetulah Xamineyî, sibeha îro pêncşemiyê, li hevdîtina mêvanên beşdarî civîna Heskiriyên Ehlê Beytê (S) û mesela tekfîriyan, destnîşan kir: ``Eger çi DAIŞ li Iraq û Sûriyê gihîştiye dawiya emrê xwe, lê nabe ku em ji mekra dijminan xafil bibin jiber ku Amerîka û Siyonîst û dûvikên wan, wê desta ji dijminatiya bi Îslamê re bernedin û pêkan e pîlaneka wek DAIŞ`ê û mînanî wê li navçeyeka din amade bikin û cih bînin``.

Rêberê giranqedr ê Înqilaba Îslamî, misilmanên li welatên curbicur, rastiyeka sepandî ser bereya zorbêj û kufrê dan zanîn û destnîşan kir: ``Cîhana Îslamê îro rojê dikare li hember kufr û zorbêjiyê bisekine û nizama Îslamiya li Îranê ku bi serêxwegirtina tam a şerîeta îslamî ye, wê bibe hegera serketina li hember dijminên Îslamê``.

Wî bal kişand ser nêzî 40 salan pîlan û zext û boykotan ji aliyê Amerîka û Siyonîsmê ve dijî nizama Îslamî û got: ``Tevî van hemî zextan, em bi aşkeratî radigihînin Komara Îslamiya Îranê li her dera ku hewcetî bi sekinîna li hember kufr û zorbêjiyê hebe, wê alîkarî bike û em bona gotina vê yekê jî tu kesî berçav nagirin``.

Gotinên îro yên rêberê giranqedir ê Înqilaba Îslamî li ser du xalên girîng pêgîriyê dikin. Yek ji van du xalan koka wê li dîroka îslamê û tevgerên serdestîxwez ên li navçê ye ku têkiliya wê bi esla yekbûnê nava umeta îslamî heye.

Xala duyemîn lêbelê li ser pêwîstiya venasîna van gef û xeteran pêgîriyê dike ku niha li ber umeta îslamî ne. Ew gef wisan ku alûgorên vê dawiyê nîşan didin hêdî hêdî bi dû ketina nav welatên îslamî û li dawiyê perçekirina cîhana îslamê û xistina umeta îslamê nav şerr û duberetiyê ne. Ev duberetî û cidatî ji tevgerên fikrî yên tekfîrî û wehabîyetê serkaniyê digirin ku mînakeka wê ya vê dawiyê li fitneya DAIŞ`ê û tevgerên selefî û tekfîrî yên li navçê hatin dîtin.

Fitneya DAIŞ`ê bi berxwedana tevgera berxwredanê û bi canfîdaiya berevanên heremê û hewl û vîna gel û dewletên Sûriye û Iraqê bi dawî hat. Lê hîn xeter bi tamî ji nav neçûye û hitmala fitneyên nû heye. Jiber ku kokên DAIŞ`ê û komên terorîst li welatên wek Lîbî, Tûnis, Misr, Sûmalî û Nîcêriyê û hin welatên din nehatiye birrîn. Ya herî girîng hebûna birîna kevn a umeta îslamê û mesela Filistînê û berdewamiya dagîrkeriya Rejîma Siyonîst li Navçê ye. Îsraîlê qazanca herî zêde ji DAIŞ`ê bir. Xizmetê ku vê koma cinayetkar ser navê Îslamê û bi piştgîriya rejîmên paşverû yên wek Erebistanê, li Îsraîlê kir, li hemî dewra jiyana vê rejîma cinayetkar, bêmînak bû.

Bereya kufr û zorbêjî û siyonîsmê zêde ji 70 sal in ku bi dagîrkirina Filistînê, ew kirine pêgehek jibo pêkanîna bê ewlehîtiyê li welatên navçê û DAIŞ  jî pêk hatibû ku vê pîlanê bikemilîne.

Niha fitneya DAIŞ`ê ji serê netewên navçê dûr bûye lê kokên fitnê û navenda şerûtiyê li navçê yanê xodeya penceşêrê ya îsraîlê maye.

Hezretê ayetulah Xamineyî, mijara Filistînê, mesela yekemîn a cîhana Îslamê da zanîn û herwiha got: ``Kilîla serketina li hember dijminên Îslamê, mesela Filistînê ye jiber ku bereya kufr û zorbêj û siyonîsm bi dagîrkirina welatê îslamî yê Filistînê, ew kirine pêgehek jibo pêkanîna bêewlehîtiyê li welatên navçê û divê em li hember penceşêra Îsraîlê bisekinîn``.

Rêberê giranqedr ê Înqilaba Îslamî, armanca sereke ya dijminan bona pêkanîna nakokiyan û şerrê di navbera misilmanan de, pêkanîna ewlehiyê jibo Rejîma Siyonîst da zanîn û pêgîrî kir: ``Roja ku Filistîn vegere xelkê Filistînê, wê derbeya rastîn li pişta zorbêjiyê keve û em ê jibo wê rojê têbikoşin``.

Rêberê Înqilabê: Her cihê ku hewcetî bi hebûna Îranê jibo sekinîna li hember zorbêjiyê hebe, em ê alîkarî bikin.
...........
300


Raveya Xwe Bişênin

Posteya Eletronîkî ya We Nayê Weşandin. … Pêwist bi * Hatine Nîşankirin

*