Li gorî nûçeya Ajansa Navneteweyî ya Ehl-ul-Beyt ê (s.x) – ABNA – Hêzên çekdar ên Yemenê duh Înê baregeha hêzên koalîsyona Siûdî li Edenê ya li başûrê Yemenê kirin hedef. Erîşek ku di dema lidarxistina civîneke leşkerî de û bi amadebûna "Abdulrehman El-Muhramî" fermandarê h êzên "El-Emaleqa" yên başûrê Yemenê û endamê Encûmena Serokatiyê ya hikûmeta Edenê ya di bin piştgiriya Erebistana Siûdî de, hate kirin.
Li gorî rapora rojnameya "El-Akhbar" a Libnanê, çavkaniyên herêmî ragihandine ku ev baregeh bi heşt moşek û çend firokeyên bêmirov hatiye hedefkirin. Ev navend di bin fermandariya Serleşker "Felah El-Şehranî" walîyê leşkerî yê Siûdî yê Edenê de ye û odeyên operasyonên hevbeş ên girêdayî Erebistana Siûdî li Yemenê di xwe de dihewîne.
Li gorî van çavkaniyan, erîşa li ser baregeha li herêma "El-Şe'b" a li navçeya "El-Bureyqa" ziyanek çêkiriye. Di heman demê de, çalakvanan li vî bajarî wêneyên zindî yên pêketina agir belav kirin ku tê gotin ji ber teqîna embarên çekan li derdora vê navendê bûye.
Erîş bersivek ji bo êrîşên hewayî yên Erebistana Siûdî
Çavkaniyên leşkerî li bajarê Sana'a yê paytexta Yemenê ji rojnameya "El-Akhbar" re gotine ku ev operasyon pêşdestek yek saet piştî ku şerkerên Siûdî paytexta Yemenê bi çar êrîşên hewayî kirin hedef, hate kirin.
Li gorî van çavkaniyan, erîş di heman demê de bi gihîştina barkirineke nû ya çekan bo kampa El-Bureyqa pêk hat. Kampê ku baregeha hatî hedefkirin di nav wê de ye. Van çavkaniyan herwiha destnîşan kirin ku bersiva Yemenê ji êrîşên hewayî, hedefkirina Riyadê û herêmên başûrê Erebistana Siûdî jî di xwe de digire.
Ji aliyê din ve, çavkaniyên başûrê Yemenê ragihandine ku Erebistana Siûdî piştî vê erîşê dest bi valakirina kempên hêzên "Dîr El-Weten" ên girêdayî xwe kiriye. Ev gav li gorî van çavkaniyan, bi xemgîniya ji berfirehbûna êrîşan li dijî van hêzan hatiye avêtin.
Herwiha hatiye ferman kirin ku çek, gulebaran û otomobîlên leşkerî ji kampa "Re's Ebas" a li rojavayê Edenê ya ku li tenişta baregeha fermandariya koalîsyona Siûdî ye û kampa "Cebel Hedîd" a girêdayî heman hêzan li navçeya "Xur Mekesir" a nêzî qesra serokatiyê "Me'aşîq" bên veguhestin.
Demjimêra 48 saetan a Yemenê ji hêzên lihevhatî yên bi Riyadê re li El-Turba
Di heman demê de, eniyên başûrê Taizê piştî pêşveçûna hêzên çekdar ên Yemenê bi mesafeyeke zêdetirî 200 kîlometreyan, şahidê aramiyeke bi hişyariyê bû. Hêzên çekdar ên Yemenê ji komên çekdar ên mizgîr ên Erebistana Siûdî re demjimêreke 48 saetan dan ku ji bajarê "El-Turba" navenda navçeya "El-Hecrîye" paşve bizivirin. Ev gav li gorî van hêzan, bi armanca pêşîlêgirtina ji kaşkirina bajarê El-Turba bo pevçûnên leşkerî hatiye avêtin.
Di vê çarçoveyê de, çavkaniyên eşîrî yên li parêzgeha Taizê ragihandine ku di navbera hêzên çekdar ên Yemenê û şêx û mezinên eşîran de têkiliyên berfireh hatine danîn bi armanca bêalîgirtina bajarê El-Turba.
Pêşveçûn li herêmên cihêreng ên navçeya El-Şemayteyn
Çavkaniyên meydanî jî tekez kirin ku hêzên çekdar ên Yemenê karîne kontrola hejmarek herêm û navçeyên li navçeya "El-Şemayteyn" bi dest bixin.
Ev herêm "Rasn", "El-Bedîce", "El-Kuware", "El-Ze'aze", û "Neqîl El-Qahir" digel herêmên "Bereh El-Laziq", "Şe'b El-Dirahem", "Dar El-Rahe", "El-Cezîl", "El-Qerar", "El-Mewcir", "El-Medîhes", "Suq El-Uleyfe", "El-Cerayib", "Bereh Benduh" û "El-Safîye" di xwe de digirin.
Li gorî van raporan, hêzên çekdar ên Yemenê gihîştine qeraxa herêma El-Zerîqa. Di heman demê de, pevçûn li herêma El-Şeqeb û herêmên din ên eniya bakur hê jî berdewam in.
..............................
Dawiya Peyamê
Etîket:
Yemen
Erebistana Siûdî
Koalîsyona Siûdî
Taiz
Eden
Your Comment