?>

Bidû bombebaranên Tirkîyê 360 gundên parêzgeha Duhokê hatine valakirinê

Bidû bombebaranên Tirkîyê 360 gundên parêzgeha Duhokê hatine valakirinê

Serokê Komsyona Karên Pêşmerge ya Parlimana Herêma Kurdistanê ragihand ku Bidû bombebaranên Tirkîyê heta nika 360 gundên parêzgeha Duhokê kavil bûne û hatine valakirinê.

ABNA24 : Rêwîng Hirorî Serokê Komsyona Karên Pêşmerge ya Parlimana Herêma Kurdistanê got ku êrişên hewayî û bejayî yên artêşa Tirkîyê ser deverên sînorî yên Herêma Kurdistanê nemaze li parêzgeha Duhokê dijwar bûne û şerê di navbera leşkerên tirk û hêzên PKK da li herêmên Nêrwe, Rêkan ser bi Dêrelok û Şêladizê û herwiha li navçeya Serê didome.

Wî herwiha got ku leşkerên Tirkîyê li bilindahîyên Korejar û Lênikê bi cih bûne û deverên derdorê bi giranî bobmebaran dikin û vê yekê jî bandoreke xirab li moral, rewan û jîyana niştecihên wan navçana kirîye û ewlehîya wan têk daye.

Rêwîng Hirorî herwiha got ku heta nika 360 gund li parêzgeha Duhokê bi hegera êrişên Tirkîyê û şerê himberî PKK hatine valakirinê û hema li Amêdîyê 197 gund hatine valakirinê û 127 gund jî li wan navça ne ku şer û pevçûnên giran li wan didomin.

342/


Raveya Xwe Bişênin

Posteya Eletronîkî ya We Nayê Weşandin. … Pêwist bi * Hatine Nîşankirin

*