?>

Deriyên dibistanên Herêma Kurdistanê hatin vekirin

Deriyên dibistanên Herêma Kurdistanê hatin vekirin

Proseya perwerdehiyê li Herêma Kurdistanê bi mekanizma karkirina sê roj bi sê rojan li dibistanên seretayî û amadeyî îro dest pê dike. Wezareta Perwerdeyê malbatên xwendekaran azad kirine da ku zarokên xwe neşînin dibistanan û bi riya internetê xwendina xwe berdewam bikin, bi şertê ku di hefteya yekem de ew formekê tije bikin.

ABNA24 : Wezareta Perwerdeyê di daxuyaniyekê de ragihand, ji îro Yekşemê ve deriyên polên seretayî heta pola 11'an bi awayekê sê roj bi sê rajan tên vekirin û divê hemû alî pabendî rênimayên tenduristiyê bin û divê jî komîteya perwerdeya elektronîk li dibistanan aktîv bimînin.

Berpirsê Yekîtiya Mamostayên Herêma Kurdistanê Ebdilwahid Mihemed ji K24ê re got: “Hejmara xwendekaran di polan de zêde ye, ji ber wê dewre (sê rojan bi sê rojan) heye, ev hewldanek ji bo çareserkirina rewşê ye, bi vî awayî hewl tê dayîn dûrî di navbera xwendekaran de were parastin.”

Komîte û tîmên tenduristiyê yên dibistanan jî dê ji nû ve dest bi kar bikin û çavdêriyê li proseya perwerdehiyên bikin. Di wê derbarê de jî Berdevkê Rêveberiya Tenduristiyê ya Hewlêrê ji

mamoste û xwendekarên 18 salî jî tê xwest, vaksîna Koronayê werbigirin.

Wezareta Perwerdeyê eşkere kir, ezmûnên dawiya salê di nava polan de tên kirin.

Li gorî amarên ne fermî yên li ber destê Sendîkaya Mamosteyan, heta niha nêzî 2 hezar mamoste bi vîrûsa Koronayê ketine û 50 mamosteyan canê xwe ji dest dane.

342/


Raveya Xwe Bişênin

Posteya Eletronîkî ya We Nayê Weşandin. … Pêwist bi * Hatine Nîşankirin

*