ABNA24 : 34 nivîskar, rojnameger û akademîsyenên Herêma Kurdistana Iraqê têkildarî êrişên dewleta Tirkiyê ên li ser 'Herêmên Parastinê yên Medyayê' daxuyaniyek hevpar da.
Di daxuyaniyê de wiha hate gotin:
“Ev çend roj in artêşa Tirkiyê li çend deverên Behdînanê careke din dest bi operasyona leşkerî ya li dijî hêzên PKK’ê kirine û destdirêjî li ser çend deveran kiriye. Dibe planeke mezin û metirsîdar li pişt vê sînorderbaskirinê û êrişê hebe.
Ev operasyona Tirkiyê ji derveyî binpêkirina serweriya xaka Herêma Kurdistanê û Iraqê, binpêkirina qanûnên navneteweyî ye. Di heman demê de, tê gumankirin operasyon berfirehtir bibe û bername û encamên li pişt vê êrişê dirêjtir bibe.
Em weke hejmarek kesayat, nivîskar, rojnameger û akademîsyenên Kurdistanê, şermezarkirin û nerazîbûna xwe li dijî vê êriş û destwerdana dagirkeriya Tirkiyê tînin ziman, di heman demê de, hêvîdar in ku xelkê Kurdistanê bi giştî û aliyên siyasî hest bi metirsiya pişt van gavên artêşa Tirkiyê bikin û helwest, hevgotariya nîştimanî û neteweyî hebin. Her weke mafê me ye, pirs ji serokatiya hikûmeta Herêma Kurdistanê û aliyên peywendîdar û Wezareta Pêşmerge bikin û bizanin çi sedemek ji bo destwerdanê heye û ji bo çi hikûmeta Herêma Kurdistanê heta niha di asta vê destwerdanê de bêdeng e.
Li gorî me, êrişên leşkerî û bikaranîna çekan a ji bo vemirandina tevgera neteweyî ya li Kurdistana Tirkiyê wê tu li rastiya sitem û mafxwaziya gelê Kurd nede guhertin ku niha di rewşeke dijwar û çewisandinê de ye. Weke tê gotin înkarkirina heqîqetê, tu ji heqîqetê nade guhertin. Li gorî me wê ji derveyî rêya demokrasî, danûstandin û guftûgoyê, ji bo aştiyê û çareseriya bingehîn tê rêyên din nîne.”
Navê kesên daxuyanî dane.
Parlamentera Berê ya Iraqê Ala Talebanî
Wezîrê Berê yê Herêma Kurdistanê Xalid Doskî
Parlamenterê berê Mamosta Çeto Hewêzî
Cîgirê Serokê Yekitiya Parlamenterên Kurdistanê û Parlamenterê Berê Kerîm Behrî Biradostî
Parlamenterê Berê yê Herêma Kurdistanê Qadir Caf
Nivîskar û Rojnameger Sertîp Cewher
Wezîrê berê yê Şaredariyê Fatih Ebdullah Ebas
Şêx Fazil Hîranî
Kadroyê Pêşkeftî Awêzan Nadir
Nivîskar, Rojnameger û Parlamenterê berê yê Iraqê Şiwan Dawidî
Nivîskar Şadmen Mela Hesen
Edîtorê Awêne Serdar Mihemed
Edîtorê Şarpress Kemal Reuf
Mamostayaê Zanîngehê Dr. Mexdîd Sepan
Mamostayê Zanîngehê Dr. Serbest Nebî
Nivîskar û Siyasetmedar Mesûd Abdulxaliq
Nivîskar Şîlan Xelal Beg Dergeleyî
Nivîskar Azad Wertî
Nivîskar û Rojnameger Sedîq Hesen
Mekî Amêdî
Kadroyê pêşkeftî Ladê Hesen
Nivîskar Birzo Îsmaîl
Kadroyê pêşkeftî Sîrwan Hebîb
Nivîskar Abdulqadir Şerîf
Mamostayê Zanîngehê Dr. Ebas Mistefa
Nivîskar Elar Bazyanî
Mamostayê Zanîngehê Dr. Haşim Zêbarî
Berzan Hewramî
Bextiyar Mehmûd
Elî Oremarî
Hewrê Şakir
Elend Bekir hakim Semed Mihemed
Ronakbîr Muhsin Osman
Nivîskar Salar Bazyanî
342/