Li gorî ajansa Associated Press, Katherine Cortez Masto karî dozgerê giştî yê Nevadayê yê berê Adam Laxalt têk bibe. Niha bi serketina vî senatorê Latînî, Demokrat bûn xwediyê 50 kursiyan di Senatoyê de û bi hejmartina dengên cîgirê serokomar dikarin piraniya dengan li hember Komarîxwazan bi dest bixin.
Komarparêz di gera duyem a hilbijartinên eyaleta Georgia de jî bikarin kursiya senatoya eyaletê bi dest bixin, dê wek dewra berê ya Kongreyê bibin xwediyê 50 kursiyan û dê dîsa jî di hindikahiyê de bin.
Di dema ku hêj hejmartina dengan li Meclisa Nûneran didome, Komarîyan 211 nûner û Demokratan 204 nûner şandine vê stûna Kongreyê.
Senator Catherine Cortez Masto, ku li eyaleta ku di warê aborî de di rewşa dijwar de ye û li Amerîkayê bihaya herî zêde ya benzînê li vê eyaletê ye, li hilbijartina dubare de ew wekî berbijara Demokratan a herî lawaz a Senatoya destnîşan kiribû. Komarparêz piştrast bûn ku ew dikarin Cortez Masto têk bibin; hêviya ku di dawiyê de serê xwe negirt û ew bê hêvî kirin.
Bi diyarbûna encama hilbijartinê li Nevadayê, niha Georgia yekane eyalet e ku her du partî hîn jî ji bo kursiyek Senatoyê pêşbaziyê dikin. Senatorê Demokrat yê niha Raphael Warnock dê di 6ê Kanûnê li hilbijartina dubare de bi hevrikê xwe yê Komarî Herschel Walker re rûbirû bibe.
Pêşbaziya Senatoyê ya li Alaskayê jî ji bo dengdanek hilbijartî hate veguheztin, her çend kursî dê di destê Komarparêzan de bimîne.
Kontrola demokratan li ser Senatoyê dê pêvajoyek kêm kêşe û rageşî ji bo tayînkirinên kabîneya Biden û hilbijartiyên dadweriya wî misoger bike, bi taybet ji bo tayînkirinên Dadgeha Bilind a Amerîkayê li pêşerojê.
Ev partî di heman demê de dê kontrola komîteyan jî bigire dest xwe û bibe xwedî hêz li çavdêrî û lêkolînên ser hikûmeta Biden. Heke meclisa nûneran bikeve destê komarparêzan, senatoya di destê demokratan dikare qanûnên ku ji hêla Meclîsê ve tên şandin veto bike.
342/