Çavkaniyên ku ji El Arabiye re axivîn diyar kirin ku Huseyîn apartmana xwe ya li Stenbolê firotiye û ji bo dirêjkirina rûniştina xwe yan jî ji bo çûyîna welatekî din bi rayedarên Tirk re di nava danûstandinan de ye. Çavkaniyên han diyar kirin ku Huseyîn hîn bûye ku pasaporta wî betal bûye û rayedarên Tirk sedema vê biryarê jê re negotiye. Li gorî nûçeyê Huseyîn bi rayedaran re têkilî danî û xwest ku ji bo zanîna sedema betalkirina hemwelatîbûnê parêzerek bê tayînkirin.
Erdoxanê ku vê dawiyê çûbû Misrê, diyar kiribû ku ev serdan wê di têkiliyên herdu welatan de rûpeleke nû veke. Sîsî amaje bi têkiliyên dîrokî yên aborî û bazirganî yên di navbera her du welatan de jî kir û diyar kir ku ew dixwazin di salên pêş de ticareta hevbeş bigihînin 15 milyar dolaran.
Serdana Erdoxan a Misrê ya li ser vexwendina Sîsî ku ev nêzî 10 sal in bi gotinên pir tund rexne dike û bi îfadeyên wekî 'dîktator' û 'kujer' bi eşkereyî sûcdar dike, ne tenê di warê Tirkiye-Misrê de weke pêşketineke dîrokî tê dîtin. têkilî lê di warê herêmî de jî. (El-Erebi/duvar)
Wergêr:Seyîd Torî