Xwebexşên Hevbendiya Niştimanî ya Çalakiya Sivîl û Pêşketinê li Misrê redkirina xwe ji destdirêjiya hovane ya li dijî gelê Filistînê û niyeta xwe ya berdewamkirina alîkariyên mirovî piştrast kirin.
Serokomarê Misirê Ebdulfetah El-Sîsî destnîşan kiribû ku Misir bi hemû hewlên xwe yên jidil hewl dide ku agirbestekê li Zîvala Xezeyê pêk bîne û bi tundî hişyarî da ji metirsiya dagîrkirina Refahê li başûrê Zîvala Xezeyê.
Serokomarê Misirê roja Înê di dema kontrolkirina navenda akademiya polîs de got ku Misir hewl dide ku mezintirîn qasê alîkariyên mirovî bigihîne Zîvala Xezeyê.
El-Sîsî diyar kir ku ew hişyarî li dijî bikaranîna birçîbûnê wek çek di şerê Xezeyê de hatiye kirin, û em berdewamiya vekirina deriyê Refahê piştrast dikin û Misir jî dilgiran e ku dewleteke Filistînî bi aramî li kêleka dewleta dagîrker were avakirin. li gorî îdîaya wî).
Serok Sîsî tekez kir: "Em hewl didin vê xwînrijandinê rawestînin... xwînrijandina mirovan û xwînrijandina dezgehan jî, û em hewl didin ku herî zêde alîkariyên mirovî bigihînin zîvala Xezeyê."