Yek ji van çavkaniyan ku nexwest navê xwe eşkere bike got: "Hefteya borî civîneke girîng hat lidarxistin ku di civînê de serokên payebilind ên Hemas, Cîhada Îslamî û Eniya Gela Rizgariya Filistînê bi tevgera Ensarullaha Yemenê re beşdar bûn.
Wî her wiha got: Di vê hevdîtinê de li ser mekanîzmayên hevahengiya navbera van aliyan li bara kiryarên ku dê di qonaxa bê de Rejîma Siyonîstî bikin armanc, gotûbêj kirin.
Li gor çavkaniyeke din ku nexwest navê wî jî were eşkerekirin, tevgera Ensarullahê di vê hevdîtinê de tekezî li ser wê yekê kir ku dê operasyonên xwe yên li deryaya sor li dijî gemiyên ku ber bi Rejîma Siyonîst ve diçin, bidomînin.
Vê çavkaniyê zêde kir: Di vê hevdîtinê de rola temamker a Ensarullahê li gel komên filistînî bi taybetî îhtimala êrîşa Rejîma Siyonîst ser Refehê hat gotûbêjkirin.
Vê raporê cihê van danûstandinan rave nekir.
Ebdulmelîk El-Hûsî rêberê Ensarullaha Yemenê roja Pêncşemiyê ji berfirekirina êrişên ser keştîyên girêdayî Rêjîma Siyonîst ser keştîyên ku xwe ji deryaya Sor dûr dixin û ji keviya Hêviya Xêrxwaziyê li Okyanûsa Hindê derbas dibin, ragihand.
Ji 19ê Mijdarê ve, Ensarullah keştiyên bazirganî yên li Deryaya Sor û Deryaya Erebî ku ew dibêjin bi benderên Îsraîlê ve girêdayî ne yan jî ber bi benderên Îsraîlê ve diçin, dike armanc.
Êrîşên Ensarullahê bû sedem ku gelek şirketên keştiyan keştiyên xwe ji Kefa Hêviya Xêr bizivirînin, bi kêmanî hefteyek rêwîtiya di navbera Asya û Ewropayê de dirêj kirin û lêçûnên barkirinê zêde bûn.