Ensarullah: Em ê bi her awayî li kêleka Xezzeyê bimînin

Li gorî rapora nûçegihanê çandî yê Ajansa Navneteweyî ya Ehl-ul Beytê (s.x) ABNA-Li dewama bertekên fermî yên Yemenê li hemberî êrişên cinayetkar ên Amerîka û Brîtanyayê li dijî deverên sivîl li Yemenê, "Muhemmed El-Bexîtî" endamê buroya siyasî ya tevgera Ensarullahê li axavtina xwe de ragihand ku Yemen tu carî ji vê helwesta xwe ya piştevaniya ji Filistînê venagere û bi her bihayekî dê pabendî vê helwesta xwe be.
Mihemed El-Bexitî di hevpeyvînekê de ligel rojnameya El-Mayadîn ragihand: Êrişa Amerîkayê ya li dijî Yemenê ne rewa ye û dê bibe sedema bersiva me ya dualî.
Wî her wiha got: Her kes dizane ku em di bersivên xwe de rastgo ne û li hember kesên ku me bi maceraperestiyê tohmetbar dikin em dibêjin ku her kesê ku bi Emerîka û siyonîstan re li hev bike maceraperest e.
Vî rayedarê tevgera Ensarullahê destnîşan kir: Tişta ku berê di warê lêdana Rejîma dagîrker a Siyonîst û dorpêçkirina wê ji aliyê Yemenê ve hat kirin, dê dubare bibe. Di heman demê de, bersivek li hember êrişên Amerîkî di rê de ye, û Yemen ti ferqê naxe navbera rêveberiya Donald Trump û Joe Biden li Dewletên Yekbûyî.
Muhammed El-Bekîtî got: Yemen çi bedelê pêwîst be dê bide, lê dest ji bijardeya piştgirîkirina Filistînê û rûbirûbûna Amerîkayê bernade. Tiştê ku vî şerî ji şerê berê cuda dike ev e ku bi hatina Trump re eşkere bû ku şerê heyî şerê di navbera rast û xeletiya paqij de ye.
..............
Dawiya peyamê/