Li gorî Ajansa Nûçeyan a Navneteweyî ya Ehl-ul- Beytê (s.x) — ABNA — Piştî dozê, dadgehê Şêx Hassoun bi hincetên “tevlêbûna li sûcên li dijî mirovahiyê û sûcên şer” tawanbar kir û hukmê xwe yê dawî da.
Dadgeha Ceza ya Çarem a Şamê, di rûniştina şeşemîn a dozê de, biryar da ku hemû mal û milkên wî yên livîn û nelivîn bên desteserkirin û radestî xezîneya giştî bên kirin.
Hincetên dozê
Dadwer “Fexredîn el-Uryan” di rûniştinê de îdia kir ku saziya olî ya fermî û bi taybetî Darul-Ifta di dema desthilatdariya Beşar Esed de, ji bo rewakirina operasyonên leşkerî û ewlekariyê hatiye bikaranîn.
Di doznameyê de, têkiliyên Şêx Hassoun bi rayedarên bilind ên hikumeta Sûriyeyê re, bi taybetî bi Beşar Esed, Elî Memlûk û fermandarên leşkerî re, wekî “tawan” hatine nîşandan. Her wiha dadgehê, Şêx Ahmed Hassoun bi piştgiriya ji Serdar Şehîd Qasim Silêmanî tawanbar kir.
Daxwaza darvekirinê hatibû kirin
Doza Şêx Ahmed Hassoun ku di 25ê Hezîrana 2025an de dest pê kiribû, di 6ê Tebaxê de gihîştibû qonaxeke nû. Wê demê dozgeriya giştî daxwaza cezayê darvekirinê (îdamê) ji bo wî kiribû, lê dadgehê di dawiyê de bi hepsa heta hetayê biryar da.
Hêjayî gotinê ye ku rayedarên hikumeta Cewlanî, Şêx Hassoun di Adara 2025an de dema ku dixwest ji Sûriyeyê derkeve, girtibûn.
…..
Dawiya Rapore/
Peyvên sereke: Şêx Ahmed Hasson, Sûriye, Hikûmeta Beşar Esed, Hikûmeta Cewlanî, Hepsê heta hetayê.
Your Comment