Mecîd Text- Rewançî di hevpeyvînekê da amajeyî vîna Komara Islamî ya Îranê jibo lihevkirineke dadmendane kir û pêgirî kir ku nika jibo selimandina meyla rastî derheq lihevkirinê, top li meydana Amerîkayê ye. Wî got ku heke amerîkî rastbêj bin, ez dilnîya me ku em ê bikevin rêya lihevkirinê.
Cîgirê Wezîrê karên Derve yê Îranê herwiha bal kişand ser vê yekê ku dewra duyem a muzakireyan dê roja sêşemê li Jênêvê were lidarxsitin, dîyar kir: Heke amerîkî amade bin debara rakirina boykotan da gotûbêjê bikin, em jî amade ne ku derbra rohnkirin ango kêmkirina tîratîya oranîyoma sedî 60 zengînkirî û babetên din ên têkildarî bernama navokî ya Têhranê da gotûbêjê bikin.
Hemîd Qenberî Serokê Beşa Dîplomasîyê ya Wezareta Karên Derve ya Îranê jî got: Berjewendîyên hevpar ên di warên nift u gazê, sermayeguzarîya li kanên curbicur u heta kirrîna balafiran di naveroka dewra bê ya muzakireyên Îran u Amerîkayê da hatine bicihkirin. Wî got ku rêvekirina ber diravên bilokekirî yên Îranê jî dê babeteke lihevkirina bi Amerîkayê ra be û ew rêvekirin divê ku piratîkî be, ne sembolîk u demkî.
Hevgavê vê yekê endamekî Komsyona Ewlehîya Netewî ya Meclisa Îranê got: Em dilnigeranê berbadbûna demê li Jênêvê ne.
Ibrahîm Rizayî got ku muzakireyên bi Amerîkayê ra yên li Jênêvê ti têkilîyek bi meseleyên mûşekî û navçeyî ra tinene, Em ser vê bawerê ne ku Rejîma Sîyonîst meseleya sereke ya navçeyê ye û divê derbara gefên wê, derveyî van muzakireyana û di çarçoveke din da bi welatên navçeyê ra ji bo dabînkirina pêşxistin, aramî u berjewendîyên hevpar gotûbêj were kirin.
Wî got ku tîma muzakireker ji bo girtina pêşîya berbadbûna demê pêşnîyarên xwe hazir kirîye, lê li gorî karname û rabhorîya serederîya Amerîkayê, em derbara encamê da zêde ne geşbîn in.
Your Comment