Ultimatuma 4-rojan ya Seyîd Ebdulmelîk El-Hûsî ji Îsraîlê re /Ger dorpêça Xezzeyê bi dawî nebe operasyonên deryayî ji nû ve dest pê bikin

Li gorî rapora nûçegihanê çandî yê Ajansa Navneteweyî ya Ehl-ul Beytê (s.x) ABNA-Seyîd Ebdulmelik Bedirdîn El-Hûsî, rêberê tevgera Ensarullaha Yemenê, li bara pêşhatên vê dawiyê li Filistînê û kiryarên Rejîma Siyonîstî bal kişande ser vê yekê ku divê li hember va geşedanan helwestek zelal were girtin.
Got jî: Di proseya cîbicîkirina rêkeftinê li Xezzeyê de, eşkere bû ku dijminê Îsraîlê di cîbicîkirina erkên xwe de, bi taybetî di warê mirovî de, dereng dixe. Birayên di tevgera berxwedana Îslamî ya Hamasê de bi tevahî pabend bûn ku sozên xwe bi cih bînin û ev yek ji aliyê wan ve diyar bû.
El-Hûsî got: "Doza mirovahî berpirsiyariyan di xwe de dihewîne, lê belê di çarçoveya rêkeftinê de û bi garantiya aliyên garantor erk hene." Dijmin di asta ku bi zelalî hatiye diyarkirin de hewl daye wan kêm bike û çavdêriyê neke.
Rêberê Tevgera Ensarullaha Yemenê, amaje bi sabotekirina siyonîstên li ser peymana Gezeyê jî kir û got: Dijmin li bara rakirina nexweş û birîndaran ji bo dermankirinê û herwiha vekişîna ji eksên Refehê, bi giranî sozên xwe kêm kiriye.
Wî berdewam kir: "Em nikarin temaşe bikin ku qeyran zêde dibe, pêşî li alîkariyên ku bigihîje Xezzeyê û dîsa vegere birçîbûnê." Em 4 roj dem didin navbeynkaran da ku xebatên xwe temam bikin. Ger piştî muhletê dijmin rê li ber derbasbûna alîkariyan bidomîne û dergeh bi tevahî girtî bimînin, em ê li dijî dijmin operasyonên xwe yên deryayî ji nû ve bidin destpêkirin.
Rêberê Ensarullahê hişyarî da ku Rejîma Siyonîst bi birçîkirina xelkê dixwaze vegere siyaseta qirkirinê û bal kişand ser vê yekê ku ev kiryar nayê qebûlkirin.
Wî her wiha destnîşan kir: Rêjîma Siyonîst û Emerîkayê ketine rêyeka çêkirina rageşiyê û zêdebûna kêşeyan li Kerta rojava û Qudsê nîşana dûrbûna wan ji her pêvajoya aştiyê ye. Di nava zêdekirina dijminan de wêrankirina bi dehan mal, koçberkirina bi hezaran kesî, wêrankirina mizgeftên li Şerîa Rojava û sepandina zextên bê hempa li ser Mizgefta Îbrahîmî ya li Hebronê ye.
Seyîd Ebdulmelik Bedredîn El-Hûsî kiryarên Rejîma Siyonîst li Filistîna dagirbûyî rexne kir û bal kişand ser vê yekê ku ev rejîm hewl dide hebûna filistîniyan li kendava rojavayî bi temamî ji holê rake û navçê cihûtiyê bike.
Wî got: Ji aliyê siyonîstan ve qedexeyên zêdetir li ser kesên ku dixwazin ji bo nimêj û merasimên Remezanê herin Mescida(mizgefta) Eqsayê tê sepandin û avakirina bajarokan jî berdewam e.
El-Hûsî bal kişand ser wê yekê ku dijminê Israîlê li Şerîa Rojavayî li cihûtiyê û bidawîkirina hebûna Filistînê ye.
Wî her wiha bal kişand ser helwestên welatên erebî yên der barê geşedanên li Filistînê de û wiha pê de çû: "Daxuyaniya serkirdeyên ereb tenê hin xwestek û daxwazên ku tu feydeya wan ji bo Filistîniyan tune ye heye."
Rêberê Ensarullahê bal kişande ser girîngiya cîhadê li hemberî destdirêjiyên Rejîma Siyonîst û got: Em di meha Remezanê de ne ku meha teqwa û xizmetkirina ji Xwedê re ye; Lê pirs ew e ku îbadeta îlahî di kirina emrên Xwedê û piştgirîkirina bindestan li ku ye?
................................
Dawiya peyamê/