Li gorî rapora nûçegihanê çandî yê Ajansa Navneteweyî ya Ehl-ul Beytê (s.x) -ABNA-Balefirên şerker ên Amerîkayê roja çarşemiyê li dewama operasiyona leşkerî ya ku nêzî mehekê beriya niha destpê kiribû, 20 êrişên hewayî ser navçeyên curbicur ên Yemenê kirin.
Çavkaniyên nûçeyan ragihandin ku bombebaranên Amerîkayê li ser deverên curbicur li Senaa paytexta Yemenê û derdora wê hatine encamdan û dengê teqînên dijwar li van deveran hatiye bihîstin.
Her wiha hat ragihandin ku di bombebaranan de cerdevana El-Hefa ya li Çiyayê Neqm a li rojhilatê Senayê hedef hatiye girtin û gelek caran balafirên şer li esmanê herêmê hatine dîtin.
Li gorî vê raporê, 5 êrîşên esmanî yên Amerîkayê li ser devera El-Nehdîn li navenda paytextê û bombebarana Amerîkayê jî li dijî devera Texya li Sedayê hatine kirin. Li ser parêzgeha Ibê jî gelek caran firînên firokeyên cengê hatine ragihandin.
Ev êrîş tenê 24 demjimêran piştî wê yekê hatin ku firokên cengê yên Amerîkî roja Sêşemê tundtirîn bombebaran li ser deverên cuda yên Yemenê pêk anîn.
Hêjayî bîrxistinê ye ku ji 15ê Adarê ve Amerîka êrîşên esmanî yên berfireh li dijî hikûmeta Rizgarîya Netewî ya Yemenê pêk tîne, da ku hêzên çekdar ên Yemenê nehêlin êrişî rejîma Îsraîlê bikin û rêgirî li çûnûhatina gemîyên Îsraîlî di rêya Bab El-Mendab re bikin.
................................
/Dawîya peyamê
Tags
Yemen
Emrîka
Your Comment